Walter Mazzarri
prezantohet si trajneri i ri i Interit në një konferencë shtypi që
zgjati rreth një orë dhe menjëherë tekniku italian vuri pikat mbi i:
“Sukseset nisin nga puna dhe sakrificat. Mua më pëlqen të marr përsipër
të gjitha përgjegjësitë. Jam gati dhe i motivuar për aventurën time të
re tek Interi.”
“Në futbollin e sotëm duhet
të jesh i përgatitur fizikisht dhe mendërisht e për këtë arsye unë e
konsideroj stërvitjen të shenjtë. Ai që mungon në stërvitje duhet të
ketë një arsye shumë të fortë”, theksoi gjatë prezantimit të tij
ish-tekniku i Napolit.
Mazzarri shpjegoi edhe pse ka zgjedhur
zikaltërit: “Më pëlqeu gjithçka nga ky klub dhe u ndjeva menjëherë i
gatshëm për sfidën e re.”
Më tej, ai nënvizoi se çfarë kërkon
nga Interi i tij: “Me historinë që ka, ky klub duhet të jetë gjithmonë
kompetitiv. Dua një skuadër që të mos dorëzohet kurrë dhe të luftojë me
të gjithë. Nëpërmjet lojës së mirë do të vijnë edhe rezultatet. Duhet të
humbim sa më pak ndeshje dhe të dominojmë takimet që luajmë brenda.”
/ Top Channel
Thursday, June 6, 2013
Inter, prezantohet trajneri Mazzarri
Posted by TopFilma.Net on 10:28 AM